Untitled Page

So si impensais di don Camillo e Guarreschi o s'impensais ancje di Peppone e di Fernandel. O vevi di fâ un manichin par vistîlu di prêdi e al veve di sei simpatic... Invesit par un spot publicitari mi vevin domandât di fâ une serie compositôrs che soridevin tra i quâi ancje Rossini e Beethoven.
Une dite specializade tal nolegjio di DVD e voleve tirâ l'atenzion par autopromovi il so comercio e alore o vin fat i Oscars ch'o viodês achi.
Ma la plui biele invenzion aé stade chest mascoron cui ocjâi indulà ch'o ai mitût doi schermos. No savarès disi indulà ch'a son ladis a finî dutis ma o sai ch'a 'ndé fintramai a Mâlte e in 9 âltris pays europeans fûr dal Friûl.L'Obelix gigant al sirvis ogni ant ae sfilade folcloristiche centenâr di Bruxelles.

Dopo ch'al é muart Hergé, il creatôr dai fumets di tintin, aé nassude une grande manie di colezionâ dut ce ch'al veve disegnât in te sô vite e cusi' par fâ girâ il cjâf a di cheste int o vin fat quatri statuis tra lis quâls il Tintin e il so cjan ch'o viodês achi cun me e i miei asistents e ch'a son finîts tal museu dal fumet di Bruxelles.
Une dite todescje invest e voleve fâ girâ il cjâf cun chest cjâf di pipinot ch'al gire insomp di une colone in t'un grant negozi di Berlin.
Invesit, par fâ girâ il cjâf ai enologos o ai fat cheste butilie di vin che si vierç in doi par mostrâ dutis lis bielis butilis che son platadis dentri tai scafâi come ancje in te butilie di Champagne indulà ch'o podês meti ancje lis butilîs di Prose e duç i blancs ch'a us plâs.

Cui di plui e cui di mancul, o vin duç vût une istruzion e cun chê daspo' o vin fat robis grandis e piçulis, eternis o temporaneis, robis sêriis e di pôc che, secont le nestre nature o sarin plui tart fieros o imbarazâts, orgoliôs o totalmentri indifarents ma chel ch'al impuarte al é di fâlis.
Al jère un piès ch'o no lavi plui ator pe Cjargne e il Friûl
e in chê di' a mi erin saltât tal vôli chei tabelons publicitaris ch'al si viôt ca e là pes stradis che van da un paîs e chel âti. Al si ere tai agns 80. I tabelons, ancje se ben piturâts a man, e vevin l'aiar vecjos e smarîts e lamis ma a jérin simpi presints dapardut. Imediatamentri al mi e vignude un'idee:Parce no fâ i tabelons on bas riliêf?
Cul bas rilief, o mi disevi, ancje zence i colôrs, dut al somée plui vîf e plui fuart parce che le sculture e reste le sculture.
Convint di vê cjatât une buine idee di sfrutâ o ai subit butât jù qualchi pagjne par svilupâ un metodo di creazion e di produzion ma ancje un metodo comerciâl par vendi le ide da proponi a cualchi om d'afâr o investidôr.
In Friûl, nancje pensâ. O vevi a pene let un libri dal titul Thing big e o soi lât diretamenti da More O'Ferral ch'aé le multinazionâl dai tabelons publicitaris e là a mi an dite ch'a ere une buine idee e ch'al bisugnafe fâ un prototipo.
Zence nancje un franc e nùe n'te sachete o ai mitût doi mês par cjatâ un investidôr. Oramai, o cognoscevi il gno discors a memorie e o eri li' ch'o spiegavi il gno progjet quant ch'o m'indacuarç che il gno investidôr al si ere indurmidît sù le cjadree come un mone.
O varès podût sei content se tal ufizi al fos stât plen di gjornaliscj come in te conference stampe dial mês di Mai a Washington indulà che il vice president Cheney al si ère indurmidît tant che il Bush al cjacarave ma invesit o jeri stiçât, ansit rabiôs. Dopo doi mês di spiète o mi cjatavi li' devant un indurmidît a cjacarâ a un sort.
O scuignivi dai une sdarnade par sveâlu prime di sbati il tac e dopo sbati le puarte ma viodint un vâs di rôsis no mi êsal vignût tal cjâf di svuedaial sù pal cuel?
O mi imagjinavi bielzà le âghe frescje ch'a i lave jù fin tal cûl e lis rôsis mitudis in corone ator dal cjâf ansit, o vevi voe di rudulâ sù une des mes pagjinis, e metie enfra i dêts e picjai il fuc cusi' o podevi dî che cjapât dal rimuars o volevi studâ il fuc. Invesit nue, o soi restât un moment cul vâs in te man enfra il sturcjâial jù cun lis rôsis o zence rôsis.

Ancje Lech Valensa al si ére fat cjapâ a durmî al parlament polac e di in chê di' ei polacs e an scomenzât a ridi di lui ancje pal so cjacarâ di contadin. Il destin, cualchi vôlte al nus fâs di chei scherzos che so no lu varès capît subite, o lu varès capît vot agns dopo cuant che la situazion completamentri ribaltade nus a mitûts pe seconde vôlte un in front di chel âti.
Cheste vôlte ale éré lui ch'al vignive a proponimi le sô . O jéri pront a cjapâ la mê rivincite ma par no colâ indurmidît al so puest, lui ai ricevût in pins.
In pins, rivincite, cuale rivincite?
Come le prime volte, ancje le seconde no a durât plui di dîs minûts. Difat, a dispiet di une voe mate di lâmint sbatint le puarte invesit mi jeri calmât, e dopo vê mitût il vâs al so puest o eri lât fûr cidin cidin e zence fâ rumôr e squasi content mi eri mitût a coltâ il concèt che no vevi bisugne di nissun e che une idee, par ési une buine idee al bisugne realizâle di besôi e al é cussi' che doi mês dopo o vierzevi l'Atelier Sommarti.
Propit grazie a chel ch'al si éré indurmidît che cumo' al ére li devant di me e al cjacarave, al cjacarave...
Nol meretave di sigûr ch'o i disi grasie ma nacje ch'o lu mandi in chel paîs.
Dopo vêi prometût di esaminâ le sô propueste mi soi dite che sa non 'de doi zence trê al puès simpi spietâ le prosime vôlte tant, le sô idee no mi veve convint. Ma forsit a éré compagne de mê e in tai doi câs a someave a une stufaderie.
In ogni mût, il concet dai tabelons in riliêf a dispiet da mê determinazion, no soi ancjemo' rivât a fâiu. Cumo o spieti il timp e l'ocasion di fâiu. Va ben, o soi convint che un'idee se no si le realize subit a no si realize plui parce che deventant vecje a si stude e a si smusse. Propit come un vecjo tabelon. Ma al é ancje vêr che une idee a puès susitâ un'âte e vie vie e cussi', l'atelier Sommarti al si éré mitût in moto cun âtis progjets pe publicitât, pa television, pal cinema, pe decorazion, pe vetrinistiche e o podês viodi a chi sot cualchi risultât. Ma ce fasêso. Durmîso? (Scrit da Blisco)

oscar

Le stele di Thierry Mugler

I 3 aufragâts

I 3 compositôrs

Mascaron cun ocjai TV

Oscars 2m20 in tune façade

Obelix di 4m

fernandel